Victoria Beckham In Hrisel Taka A Awm Theih Chhan Thuruk A Sawi

David Beckham nupui Fashion Designer lar tak kum 45 mi Victoria Beckham hi fa 4 a nei tawh chung pawn a la chhelo in a la ti tuai em em a, a fapa te phei chu an tlangval tawh hlawm hial.

Heti chung a Victoria chhelo leh hrisel tha taka a awm theihna chhan chu amah ngeiin a sawichhuak a, a bul ber ah chuan a in enkawl uluk em em vang a ni.

Victoria hian “hrisel tha taka awm hi ka tum tak zet a, chu mi tur chuan keimah ngei in thunun in ka taksa pawh theih ang tawkin ka uluk ve. Fa 4 ka nei tawh a, hna ka thawk hah ve nen ka hriselna tur atan hian sangha thianghlim hlir ka ei thin a, thlai lam thar lam ka ei uar. Hei bak ah hian thei (fruit) hi ka ei tam a, tui tam thei ang ber ka in thin bawk” tiin a sawi.

Heng te bak ah hian Victoria hian tequilas leh red wines te chu tlem a zawng a in khai rual turin a lem thin tih a sawi a, hun hlimawm lam hman thin chu hriselna kawnga pui tu tha tak a ni a ti. Tin, vun a enkawlna atan hian ei tur bak ah tui in tam chu a fak hle bawk a ni.

Web Hosting

Be the first to comment

Leave a Reply

Your email address will not be published.


*