Mittui Nen Damchhunga Inhmu Leh Tawh Lo Turin Bethsy Leh Mahriata Ten An Pi Thlahliam Ta

Bethsy Lalrinsangi leh a pasal Mahriata te chuan an pi boralna thu thawng tak keng chungin mittui tla chungin an rawngbawlna lam panin an liam a, Bethsy te nupa hian an mahni hmangaih em em tu an pi hi ui leh duh lo tak chungin damchhung atan inhmu leh tawh ngai lo turin an thlahliam ta.

“Kan hmangaih em em kan pi duhtak, bâng lo va min ṭawngṭaisakna te, kan rawngbawl chanchin hriat chak a thei leh thei lova min lo phone ṭhin te, kan rawngbawl zo hlim tak a min lo lawm ṭhin tu i awm ta lo tur hi kan tan hian i hmun ruak a va zau dawn tak em! I dinhmun thlir ru reng hian vawiin ang hun hi a thleng har tawh dawn lo ani tih hria in kan thlah liam ve ngei theih nan a rem min ruatsak tur hian Pathian hnenah kan dil ṭhin a. Kan kal hma zân a Pathian hnen a kan ṭawngṭaina kha nang chuan i hre ve tawh lo mai thei “Lalpa ka pi hi thlah liam ve ngei kan duh a, chuvângin kan vui liam hman a i hruai anih loh chuan kan haw leh thleng tal hi chu min lo nghak se kan va duh em, mahse kan thu ni lovin Nangma thu thu ni zawk sela, I thu anih chuan mittui nen kal a ngai dawn anih pawhin min kohna tihlawhtling turin kan kal ang” kan ti ve anih kha. A thu zawk Pathian chuan mittui nen a min kaltir turin remruatna min siam sak zawk ta si a, kan duh dan chu ni lo mahse Lalpa min duh dan zawk dah Hmasa in leh nangmah ngei pawh râwn leh thei che ila min thurawn dan tur ani tih hria in harsa ti tak chungin kan kaltlang ta anih hi.

Pi, i thihna zarah hian mi tam takin kan rawngbawlna tur atan min ṭawngṭaisak phah a, Lalpan a ropui na a tarlang ngei dawn e. Nang zawng i lo ropui e, i dam chhungin Pathian rawng i bawl a i thihna leh zel kaltlangin Pathian rawng i la bâwl zel anih hi!

Na hrehawm i tuar phal tawh lovin Lalpa’n a lo hahchawlhtir ta che hi kan lawmpui tak zet che a, hlim takin i hmangaih Pathian hnenah chuan hahchawl tawh rawh le, keini pawh chu kawng chu kan rawn zawh ve zel anga, nakinah kan lo thlen ve hunah min lo hmuak dawn nia….

Mangṭha le, Kan hmangaih che…🙏😢🌹

Mahriata & Bethsy
(8.10.19) “

Web Hosting

Be the first to comment

Leave a Reply

Your email address will not be published.


*